Во Центар поставени три сервисни станици за поправка на велосипеди

Три нови сервисни станици за велосипеди се поставени на три локации на територијатата на општина Центар, пренесува www.skopjeinfo.mk.

Како што информираат општинските власти, велосипедистите ќе можат да ги користат сервисните велосипедски станици за поправки на ситни дефекти и мали интервенции. Овде, секој ќе може сам да си го санира дефектот.

-Трите локации кои се избрани за поставување на станиците (Парк на Франкофони, Парк Капиштец и плочникот кај поранешна „Агромеханика“), се избрани поради зголемената фреквенција на велосипедисти на тие места-информираат од Општина Центар и додаваат дека со оваа активност се потврдува заложбата за промовирање на алтернативните видови на сообраќај, но и за одржување на почиста и поздрава животна средина.