Организацијата за научни и индустриски истражувања на Комонвелтот спроведе истражување во кое дојдоа до сознанија дека САРС-КоВ-2 вирусот може да преживее подолго на мазните површини и во ладни услови. Специфично, студијата откри дека новиот корона вирус може да преживее на банкноти, стакло и метал.
Тестирањата биле спроведени во лабораторија, што значи дека некои фактори, како ултравиолетовото природно зрачење на Сонцето не се пресметани. Студијата покажа дека новиот корона вирус може во воздухот и носен од ситни честички да преживее повеќе од три часа.
Истражувањето траело повеќе од еден месец, а научниците го анализирале нивото на преживување на новиот корона вирус во различни услови. Така, САРС-КоВ-2 во текот на тестирањето бил изложен на разни температури. Било откриено дека новиот корона вирус при температура од 40 степени Целзиусови може да преживее помалку од 16 часа на памучна површина и 24-48 часа на стаклена и метално површина, како и на винил.
Кога температурата се намалила на 30 степени, откриено е дека новиот корона вирус на памук може да преживее дури три дена, а на банкноти и над 21 ден. При температури под 20 степени откриено е дека вирусот на банкноти да преживее и до еден месец.
Податоците претставени во студијата покажуваат дека заразниот САРС-Ков-2 при амбиентална температура може да се пронајде на непропустливи површини најмалку 28 дена при амбиентална температура и влага (20 степени Целзиусови, 50% влажност на воздухот). Со зголемување на температурата при еднаква влажност на воздухот, преживувањето на вирусот драстично е намалено.
(Sputnik)
(фото: Pxhere)
