Амбасадорот за правосудство, Дидие Реиндерс, вчера во името на Европската комисија извести дека на средината на септември 2020 година во ЕУ околу 23 милиони заштитни маски биле пријавени за неисправни.За идентификувањето на неисправните маски известиле дури 15 држави членки. Тие 23 милиони маски се означени како неисправни главно поради недоволен капацитет за филтрирање или неправилни прилагодувања на маските на лицето и немање сертификати кои ги бараат релевантните европски тела.
„Од 121 забележани пријави 104 се однесуваат на маски произведени во Народна Република Кина, две на маски произведени во Мексико, по една на маски од Данска, Турција, Украина и Виетнам, а во 11 случаи потеклото не е пријавено или не е познато“, апелира хрватскиот претставник во Европскиот парламент, Томислав Сокол.
„Потрошувачите можат да проверат дали имаат заштитни маски опфатени со Уредбата за заштитна опрема, односно дали заштитните маски имаат FFP, ознака CE и четирицифрен број на пријавеното тело кое извршило оценување на исправноста. Тој број може да се спореди со списокот на надлежни пријавени тела во базата на податоци на Европската комисија, која е достапна на интернет. Немањето на кој било од тие два елементи на маските значи дека станува збор за непочитување“, предупредува Сокол.
Европскиот парламент неодамна го усвои Извештајот за безбедност на производи на единствениот пазар, чија цел е токму воведување на правило по кое за заштита на потрошувачите од несигурни производи, никаква разлика не смее да прави фактот дали некој производ е купен на интернет или не.
(Dnevnik.hr)
(фото: Pixabay)
