На Скопскиот аеродром од денеска почнува да функционира нова авиолинија на релација Скопје – Киев.
Новите летови, што се воспоствуваат првпат меѓу Украина и Македонија, ќе ги реализира авиокомпанијата „Виндроуз“ „WINDROSE“. Летовите 7W791 / 792 ќе се извршуваат секој четврток и недела.
Првпат во историјата на односите меѓу Украина и пријателска Република Македонија од 6 декември 2020 година се воведуваат летови на релација Киев-Скопје-Киев! – соопшти Амбасадата на Украина во Скопје.
Летовите од аеродромот Бориспиљ ќе се извршуваат со авиони Ембраер-145 и АТР72-600.
Како што истакнуваат од Амбасадата, освен овој лет, „Виндроуз“ нуди удобен транзит од регионите на Украина: Харков, Днипро, Одеса и Лавов.
Постоење на директните летови ќе придонесе за интензивирање на билатералната соработка – зајакнување на бизнис врските, развој на туризмот во двете земји, подобро запознавање на граѓаните на Македонија со Украина и на Украинците со Република Македонија. На овој значаен настан беше посветена средбата на амбасадорката на Украина – стои во соопштението, објавено на Фејсбук страницата на Амбасадата на Украина.
На веб-страницата на „Виндроуз“ веќе може да се купат картите и за Киев и за Скопје.
Фото – Commons.Wikimedia
