Предлог законски измени: кој не живее во стан подолго од шест месеци, ќе плаќа три пати повисок данок

- Advertisement -

Владата даде „зелено светло“ за Предлогот на закон за изменување и дополнување на Законот за даноците на имот, по редовна постапка, со кој се предвидува извршување на усогласување на основниот текст на законот со позитивната законска регулатива во Република Северна Македонија, со цел обезбедување прогресивно, праведно оданочување, информираат од владината прес-служба.

„Со Предлог-законот се предвидува позитивно влијание врз буџетот на Единиците на локалната самоуправа бидејќи со повеќе пропишаните стапки се зголемуваат и се утврдуваат состојби во кои  данокот на имот за другиот недвижен имот опишан во поимникот, кој е во сопственост на државата или на општините, општините во Градот Скопје и на Градот Скопје како и во сопственост на физички и правни лица, а кој не се користи, подолго од шест месеци во текот на една година, да се зголеми за три пати во однос на стапките пропишана со законот“, соопштија од Владата.

- Advertisement -

Законските измени се предвидува да важат од 1 јануари 2022 година.  

А, според одредби од овој Закон, државата, општините, општините во Градот Скопје и Градот Скопје, како и  физичките и правни лица  кои нема да  пријават дека одреден недвижен имот не го користат, ќе платат данок кој ќе биде за пет пати повисок од пропишаниот.

Сподели!
- Advertisement -