Новата варијација на коронавирусот веќе е откриена во осум европски држави, информираше регионалниот директор за Европа на Светската здравствена организација, Ханс Клуге.
Според него, новата мутација на вирусот, за разлика од претходната, се шири и помеѓу младата популација. Клуге повика на претпазливост додека се прават истражувања за новиот вид, како и засилување на досегашните заштитни мерки како што се физичката дистанца и носењето маски. Новата мутација беше откриена во Велика Британија на 14 ноември, а после тоа е евидентиран и во Австралија, Исланд, Италија, Холандија и Данска. Вчера беше потврден и првиот случај на зараза со новиот сој на вирусот во Франција.
Дел од медиумите објавија дека во меѓу време, се откриени уште две нови варијанти на ковид, едниот во Јужна Африка, а другиот во Нигерија.
Фото – Pixabay
