Министерот за здравство Венко Филипче заедни со неговиот српски колега Златибор Лончар ги договараат техничките детали и точното време на испорака на осумте илјади „Фајзер“ вакцини ќе пристигнат од Србија. Испораката можно е да се случи уште денеска.
Првите вакцини кои ќе пристигнат во нашата земја ќе бидат наменети за здравствените работници кои работат во ковид-центрите, за ризичните групи на граѓани со хронични болести, возрасните, за членовите од семејствата кои изгубиле човек од Ковид-19 и други.
Во однос на чувањето на вакцините, министерот Филипче рече дека близу 100 илјади вакцини може да се складираат во еден фрижидер.
– Во таа смисла, фрижидерите кои ги најавувавме како донација се пристигнати, завршуваат административните постапки околу царинењето. Но, и сега во овој момент можеме да сместиме вакцини во постојните фрижидери кои ги имавме за друга намена од лабораториите на Институтот за трансфузиона медицина, додаде Филипче.
