МФ: На фирмите вратени 397,4 милиони евра од ДДВ во 2020 година

Минатата година во стопанството се слеале 397,4 милиони евра врз основа на враќање на данок на додадена вредност (ДДВ) кон фирмите.

„И покрај тоа што 2020 беше кризна година, минатата година има најголем поврат на ДДВ како процент од бруто наплатениот данок во споредба со изминатите години, додека исплатата се одвиваше редовно и без застои“, соопшти Министерството за финансии (МФ).

Според изнесените пресметки на министерството, минатата година извршен е поврат на речиси 34 отсто од бруто наплатениот ДДВ . За споредба, во 2019 година извршен е поврат од 32 отсто, во 2018 од 31 отсто.