Евгенија Гилштајн, истражувач од швајцарскиот истражувачки институт EMPA, создаде невидлив систем за заклучување на врата, кој на крадците и провалниците им го отежнувља влегувањето во туѓите домови.
Уредот има невидливи копчиња кои се испечатени со проводливо мастило на провидна полимерска фолија. Со помош на таа технологија корисниците можат да имаат механизам за заклучување за кој само корисниците знаат каде се наоѓаат невидливите копчиња.
Во видеото подолу можете да видите како технологијата се користи за отворање на врата на која нема квака. Кога ќе се притиснат сите копчиња од кодот за отворање, се отвора вратата.
Невидливиот систем е создаде од електронски кола и сензори поставени на полимерска фолија, а е направен во Дубендорф, каде што работи Евгенија Гилштајн. Технологијата користи провидни проводливи метални оксиди. Проводливото мастило се става на површината со печатач со микрометарска прецизност.
Истражувачите исто така користеле интелигентен метод за сокривање на електронските кола. Откако електронските кола се печатат на фолија, фолијата се бои сино. Бидејќи синото мастило може да апсорбира светлина, мастилото може да се притисне на супстратот користејќи само високоенергетска светлосна радијација. Во текот на процесот не само што исчезнува сината боја, туку оптоелектричните карактеристики на тајното мастило направено од наночестички на индиум алуминиум оксид се подобруваат со секој чекор.
Сензорите на површината не може да се видат со човечко око и може да се постават каде било, како на пример на стакло или на закривена квака. Истражувачите велат дека технологијата е скалабилна затоа што процесот на печатење е многу едноставен. Гилштајн вели дека невидливиот систем за заклучување може да се користи на банки, болници и приватни домови. Импресивната безбедносна технологија несомнено може да се адаптира на тајни премини и врати во домовите.
(Interesting Engineering)
(фото: YouTube screenshot)
