Инспирирани од глобалните случувања во секторот на култура и креативни индустрии и ограничените национални можности за домашните претприемачи кои работат во областа Лабораторијата за социјални иновации СмартАп во партнерство со Унијата на македонски професионални асоцијации во креативните индустрии – УМПАКИ го организираат првиот Креативен Бизнис Куп Северна Македонија 2021!
Креативниот Бизнис Куп е единствен меѓународен натпревар за иновативни деловни идеи, производи или услуги од креативните индустрии кои имаат потенцијал да растат на глобално ниво.
Се организира годишно во повеќе од 70 земји и за прв пат се случува во Северна Македонија под капата на Creative Business Network (CBN).
Oтворен за претприемачи кои работат во културата и креативните индустрии како архитектура, занаетчиство, дизајн, технологии на искуства, мода, филм, гастрономија, компјутерски игри, 3Д, играчки и игри и други (види повеќе во ЧПП).
Креативниот Бизнис Куп Северна Македонија ќе се одржи на 21-ви мај каде 10 избрани финалисти од сите примени апликации ќе бидат поканети да го презентираат својот бизнис пред жири составено од домашни и странски експерти, инвеститори, претприемачи.
Предтходно, финалистите ќе бидат поканати да учествуваат на онлјан академија каде што со помош на ментори ќе работат на подготовка на својата презентација за Купот, а воедно ќе се стекнат со знаење за развој на своите бизнис модели и стратегии за раст.
За време на академијата финалистите ќе имаат можност да бидат дел и од неколку тематски сесии со говорници од дома и странство.
Победникот на Националниот Куп ќе добие место во Глобалната акселераторска програма, ќе ја претставува Северна Македонија на Глобалното финале 2021 и ќе добие билет за индустрискиот форум BRIGHT во Копенхаген во Јуни.
Тимовите од второ и трето место ќе добијат карта за присуство на Глобалното финале 2021 година, и можност да се состанат и да се поврзат со претприемачи, инвеститори и ментори од над 80 различни земји.
Заради посебните околности оваа година, Националниот Куп 2021 година ќе биде целосно виртуелен – можност да го следат партнерите од мрежата од останатите 70 земји!
Проверете ги сите детали за настанот и следете ги нашите профили на социјалните мрежи за да дознаете повеќе за натпреварот – жири, ментори, говорници, дополнителни награди итн.
Линк до објава на настан на фејсбук за следење на сите детали
За повеќе прашања, придружете се на нашата информативна сесија на 22.04.2021 од 17:30 часот на Платформата ZOOM (линк за регистрација).
Настанот е поддржан од Град Скопје и Центар за иновации на Град Скопје Скопје Лаб.
