Првпат македонските компании ќе може да учествуваат на престижниот избор што го организира Меѓунардониот трговски совет и да се натпреваруваат за наградите „go global“.
Како што соопшти денеска директорот на Агенцијата за странски инвестиции и промоција на извозот, Дејан Павлески, тоа ќе им овозможи директен влез во светските бизнис случувања.
Аплицирањето за „go global“ наградите е бесплатно.
„Ги повикувам домашните компании да учествуваат на овој престижен избор на најдобрите бизниси во светот. Ова е одлична можност да станат дел од заедницата во која ќе споделуваат идеи, ќе создаваат партнерства и ќе ги надополнуваат знаењата и врски. Независно од својата големина, тие имаат можност меѓу 176 земји во светот да се натпреварваат со своите деловни достигнувања и да бидат наградени“, изјави Павлески.
Тој соопшти и дека првпат Агенцијата за странски инвестиции е дел од жирито кое ќе ја врши селекцијата за доделување на наградите, а Павлески, како што додаде, е еден од 14-те судии кои ќе ја вршат селекцијата на пријавените компании.
Меѓународниот трговски совет постои од 1956 година, а седиштето му е во Вашигнтон.
(МИА)
(фото: Go Global Awards)
