Hyundai ја лансираше спиноф компанијата Supernal, која ќе биде посветена на пазарот за летачки такси со вертикално полетување. Знаеме дека Hyundai од поодмана ги најави своите планови за развој на летачки возила, а за да може да се посвети на тој дел од пазарот јужнокорејскиот производител на автомобили ја отвори новата спиноф компанија, со помош на која ќе може да стартува летачка таски служба до 2028 година.
Идејата е Supernal да произведува не само летачки такси, туку да се реализира и визијата на Hyundai за развој на целосно конектиран и координиран транспортен систем, што вклучува и апликација преку која ќе може да се резервира, да се нарача и да се плати воздушен превоз.
Што се однесува на самите летала, Supernal нема да има свој функционален и сертифициран модел до 2024 година, а ќе има и жестока конкуренција од компании како Joby Aviation, Bella, Volocopter, EHang и Boeing.
(Vidi.hr)
(фото: YouTube)
