Откако го смени името во Meta компанијата претходно позната како Facebook го отвори својот прв проект за сите возрасни над 18 години возраст во САД и во Канада. Во најавата на нивната веб страница Meta напиша дека платформата за виртуелна реалност која минатата година беше најавена во бета верзија сега е бесплатно достапна за сите.
Претходно компанијата најави дека се ребрендираат со цел да изградат еден мета универзум, односно виртуелен свет каде што корисниците ќе можат да комуницираат меѓусебе и да играат игри. Meta бара 10.000 инженери кои ќе ги изградат алатките на мета универзумот, каде што корисниците ќе можат да се претворат во креатори и дури да градат сопствени игри со користење на мостри и упатства на Meta.
Со цел да ги охрабри креаторите на новата платформа Meta го најави фондот Creator Fund вреден 10 милиони долари уште во октомври, а кон крајот на овој месец ќе бидат објавени добитниците на натпреварот Creator Competition.
Horizon Worlds е достапна само преку уредите Quest VR кои ги прави компанијата. кога ќе биде симната, корисниците може да влезат во мета светот, каде што аватарите лебдат наоколу без нозе.
Meta исто така состави и пправила за однесување за својот виртуелен простор, кои корисниците треба да ги прочитаат и да ги следат, а ако лебдечките аватари се премногу за некого, може да се вратат во Safe Zone и да ги блокираат, да го исклучат звукот или да пријават некои други играчи.
(Interesting Engineering)
(фото: )
