Се може да се најде во мета универзумот – од виртуелни уметности до виртуелни куќи и бродови, па дури и забавни активности од секаков тип. Во иднина во мета универзумот ќе можеме да гледам и спортски натпревари. За почеток, фановите на Манчестер Сити ќе може да уживаат во натреварите нља нивниот тим во виртуелен стадион Етихад, кој веќе се гради.
Манчестер Сити уште минатата година распиша конкурс за нови рваботени кои ќе може да ги препознаат приликите во виртуелната реалност, а една од тие прилики треба да биде токму стадионот во мета универзумот. На развојот на виртуелниот стадион Етихад ќе соработуваат со Сони и нивната подржуница Hawk-Eye, која со користење напредни технологии ќе го памира стадионот за да може да се направи верна копија во дигиталниот свет.
Целта на Манчестер Сити не е само да се направи стадион во мета универзумот за да можат да се пофалат со него, туку веруваат дека виртуелниот Етихад во разни пригоди ќе може да се наполни до последно место. Така, Сити на своите фанови, кои на социјалните мрежи ги имаат десетици милиони, сакаат да им обезбедат такво искуство да уживаат во натпреварите од сопствениот дом и да се чувствуваат како навистина да биле на вистинскиот Етихад.
Ќе биде интересно да се види на кој начин Сити на своите фанови ќе им овозможи нови дигитални искуства, а со оглед на тоа дека во последно време е се попопуларна темата мета универзум и NFT, лесно е да се претпостави дека и другите фудбалски клубови ќе го следат нивниот пример и ќе изградат свои стадиони во виртуелна реалност.
(Sports Illustrated)
(фото: Flickr)
