Плановите на Цукерберг се добро познати и главно се поврзани со мета универзумот, односно виртуелнит светови во кои луѓето ќе живеат, ќе работат, ќе се забавуваат и слично. За многумина да пристапат до тие светови потребен е и посебен хардвер, односно очила за проширена и виртуелна реалност.
Медиумите веќе подолго време велат дека Цукерберг спрема такви очила, а според гласините, Meta веќе би ги претставила да нема недостиг на компоненти и доцнење во глобалниот синџир на набавки.
Првиот таков модел на очила се развива под кодното име Project Cambria, а во Meta ги нарекуваат и лаптоп за лице. Имено, се очекува дa имаат слични спецификации како и преносните компјутери на Google, додека ќе го имаат оперативниот систем за виртуелна реалност на Meta базиран на Android.
Cambria треба да има камери кои ја снимаат околината и таа слика ќе се прикажува во нив, а очилата треба да поддржуваат технологија за следење поглед и изрази на лице, што ќе биде корисно во мета универзумите.
Според последните информации објавени на интернет, цената на овој уред треба да биде повеќе од 799 долари. Почетокот на продажбата се очекува во 2023 и 2024 година.
(Zimo)
