Украинската економија годинава ќе падне за речиси една третина поради одолжувањето на руската инвазија, се вели во извештајот на Европската банка за обнова и развој. ЕБРД во март годинава предвиде пад од 20% на економијата на Украина.
Оваа нова прогноза е многу повеќе од очекуваното и се однесува на сценарио во кое војната во земјата ќе заврши годинава. Европската унија размислува за издавање заеднички долг за финансирање на долгорочното реконструирање на земјата, кое може да чини и стотици милијарди евра, велат извори запознаени со планот.
Руската инвазија ја спречи трговијата со енергија, земјоделски производи и ѓубрива и ги попречи синџирите за набавка, што резултираше со забавен раст во цела источна Европа. Според извори од ЕУ, на Украина и се потребни околу 7 милијарди евра месечно за да ја пополни дупката во буџетот.
Европската комисија на 18 мај ќе претстави пакет мерки за финансиските потреби на Украина.
(Bloomberg)
(фото: Flickr)
