Четиринаесет метри високата сина скулптура на еврото, која тежи 50 тони и се наоѓа пред Европската централна банка, сега е дадена на продажба затоа што е прескапа за одржување.
Делото на германскиот уметник Отмар Хорл го одржуваше непрофитната организација Frankfurter Kultur Komitet, која веќе 21 година ја води Манфред Пол. Тој додава дека поради се позачестениот вандализам и недостигот од спонзори морале да се одлучар скулптурата да се понуди на аукција во октомври годинава.
„Контактиравме 110 банки во изминатите 12 месеци, а 90 од нив не ни одговорија“ вели Пол.
Европската централна банка, кој даваше 15.000 евра годишно за одржување на скулптурата, исто така, не е заинтересирана за дополнително фифнансирање, ниту во април присуствувашена состанокот за да се обезбеди одржувањето, додава тој.
Меѓутоа, Пол вели декс неговата организација добила писма со заинтересираност од бројни поединци и компании.
(021)
(фото: Flickr)
