SpaceX планира на почетокот на декември да го лансира својот џиновски ракетен систем Starship во орбитата. Тоа е посебно битно во контекст на планот за испраќање астронаути на НАСА на Месечината во наредните неколку години.
Милијардерот сопственик на SpaceX, Илон Маск, со години се обидува да го испрати својот ракетен систем од новата генерација во орбитата од приватниот центар за лансирање во Тексас. Претходно оттаму лансираа само прототипови од горната половина од Starship на 10 км во воздухот за да го проверат слетувањето.
Мисијата во декември по прв пат ќе го тестира целиот систем Super Heavy од 70 метри, кој е потребен за лансирање на вселенското летало Starship од 50 метри во орбитата.
Starship би требало да стане водечки ракетен систем на SpaceX откао целосно ќе се развие и ќе ја налседи ракетата Falcon 9 за повеќекратна употреба. НАС во 2021 година го избра Starship за планираната мисија на Месечината околу 2025 година, што ќе биде прво стапнување на луѓето на Месечината после 1972 година.
За таа мисија, според договорот вреден 3 милијарди долари, ќе бидат потребни неколку тест вселенски летови, кои б можеле да го одложат почетокот на мисијата.
(Zimo)
(фото: Wikimedia)
