Објавени новите цени на горивата

Според одлуката на РКЕ, литар еуросупер БС-95 ќе чини 93,5 денари, а еуросупер БС-98 ќе се продава за 96 денари за литар. Литар еуродизел БС (Д-Е V), пак, ќе се продава за 96 денари

Од ноќеска на полноќ горивата ќе се продаваат по нови, пониски цени. Според одлуката на Регулаторната комисија за енергетика (РКЕ), литар еуродизел од полноќ се намалува за два и пол денари, а бензините еуросупер БС-95 и еуросупер БС-98 ќе поевтинат за 0,5 денари по литар.

Според одлуката, литар еуросупер БС-95 ќе чини 93,5 денари, а еуросупер БС-98 ќе се продава за 96 денари за литар. Литар еуродизел БС (Д-Е V) ќе се продава за 96 денари, а екстра лесното масло за домаќинство за 91 денар за литар.

Малопродажната цена на мазутот М-1 НС се намалува за 0,806 ден/кг и ќе изнесува 49,189 ден/кг.