Прогнозите на Обединетите нации покажуваат дека глобалниот економски раст значително ќе се намали на 1,9 отсто оваа година, како резултат на кризата со храна и енергија предизвикана од војната во Украина, последиците од пандемијата на Ковид, високата инфлација и вонредната состојба со климатските промени.
Одделот за економски и социјални прашања на ОН објави дека актуелното глобално економско забавување ги „погодило развиените и неразвиените земји, додека многумина се соочуваат со ризик од рецесија во 2023 година“, објави АП.
„Широко и сериозно забавување на глобалната економија делува големо поради високата инфлација, агресивното монетарно стегање и зголемената несигурност“, рече генералниот секретар на ОН Антонио Гутереш во предговорот на извештајот од 178 страници.
Во извештајот се наведува дека прогнозата за економски раст од 1,9 отсто, што е помалку од три отсто во 2022 година, е едно од најниските нивоа на економски раст во претходните децении.
Сепак, се проценува умерен пораст до 2,7 проценти во 2024 година, доколку инфлацијата постепено почне да се намалува и економските шокови почнат да стивнуваат.
Според извештајот на ОН, овогодинешниот „раст е ослабен во САД, ЕУ и другите развиени економии, како и остатокот од светската економија“.
