За оние кои редовно користат повеќе од еден профил на WhatsApp стигнуваат добри вести. Популарната апликација за допишување WhatsApp наскоро треба да добие поддршка за користење повеќе профили на еден уред, што ќе биде на располагање на сите корисници на Android. Изгледа дека функцијата ќе функционира како на Instagram, така што попап во долниот дел прикажува кој профил се користи во моментот, а тука е и опцијата за додавање нови профили.
Сите профили ќе бидат запаметени на уредот, но корисникот ќе може да се одлјави во кој било момент. Поддршката за користење повеќе профили на еден уред може да биде предност ако корисникот има приватен и службен телефон илис ака да ги испроба неодамна воведените функции како што е Channels. Овој новитет овозможува испраќање фотографии и анкети на следбеници, а WhatsApp планира да обезбеди и минетизација за креатори во иднина.
WhatsApp, наводно, работи на функцијата кориснички имиња, која ќе овозможи пронаоѓање луѓе на ист начин како што е возможно на Instagram и на Twitter и тоа без потреба да се поседуваат нивните телефонски броеви.
Поддршката за користење повеќе профили доаѓа откако апликацијата за iOS и Android доби т.н. companion mode, кој овозможува користење на истиот профил на WhatsApp на до четири мобилни телефони. Претходно беше возможно да се логираш на само еден уред покрај таблет и компјутер.
Кога ќе пристигне новата опција за корисниците на Android засега уште не е познато.
(Klix.ba)
(фото: Pixabay)
