Вештачката интелигенција е во главен фокус во целиот свет, а сега Германија одлучи да инвестира огромни средства за да ја задржи конкуретноста и да држи чекор со другите држави, од кои главно САД и Кина.
Како што пренесува Reuters, гемранската министерка за образование и истражување, Бетина Штарк-Вацингер, наводно, ги претставила плановите за инвестиција од речиси милијарда евра во истражување на вештачката интелигенција во наредните две години. Тоа е дупло повеќе од она што претходно се трошело на истраувања на тоа поле.
Меѓу другото, планираат отворање на 150 нови универзитетски лаборатории за истражување на вештачката интелигенција, ширење на податочните центри и отворање на јавни бази на податоци за нова употреба.
Министерката е уверена дека ЕУ, благодарение на меѓусебната соработка на земјите-членки и регулаторната рамка, може да им парира и на САД и на ЕУ. Таа истакна дека Европа повеќе е фокусирана на приватниста и личната безбедност кога е во прашање развојот на вештачката интелигенција и затоа може да привлече повеќе приватни инвестиции.
Но, иако милијарда евра изгледа како многу пари, според податоците на Универзитетот Стенфорд, САД досега има потрошено над 3,3 милијарди долари јавни пари и се инвестирани дополнителни 47,4 милијарди долари приватни средства.
(Reuters)
(фото: Wikimedia)
