Времето кога Volkswagen Golf убедливо беше најпродаван автомобил во Европа одамна помина, а сега се во игра некои нови играчи. Еден од нив е Tesla, односно Model Y, кој моментално е главен двигател на електрификацијата во Европа.
Во текот на првите десет месеци од годината овој модел беше продаден во дури 183.799 примероци, и тоа на пазари во земјите на ЕУ, ЕФТА и Велика Британија. Меѓутоа, тоа не значи дека Model Y е најпродаван европски модел, туку е на второ место.
Статусот најпродаван модел на автомобил во Европа уште го држи Dacia Sandero, пишува Automotive News. Еден од најевтините модели на европскиот пазар истовремено е еден од најомилените. Во првите десет месеци од годинава тој модел достигна минимално подобар резултат од Teslа и беше продаден во 184.088 примероци.
На трето место е Volkswagen T-Roc, со 164.833 примероци, а на четврто место е некогашниот европски бестселер Peugeot 208, со 163.672 продадени примероци. Топ 5 листата ја заокружува Renault Clio, со продадени 154.493 примероци.
(Index.hr)
(фото: Wikimedia)
