Титулата инженер на 2023 година, на изборот кој годинава се одржа шести пат, ја доби Љупка Вртева, развојен инженер за областа на греење, вентилација и ладење на згради и проект менаџер на соларната централа во Петрол. Признанието го доби на вечерашното свечено објавување во Цанкарјев дом.
По завршувањето на средното образование во Македонија, Љупка Вртева дошла во Словенија, каде што ги завршила додипломските и магистерските студии на Машинскиот факултет на Универзитетот во Љубљана. Во 2019 година ја заврши и меѓународната програма за обука Европски енергетски менаџер – EUREM на Институтот Јожеф Стефан. Вртева разви уникатна компјутерска програма во областа на механичката вентилација на зградата, а сега се занимава со дизајнирање на нови, поефикасни енергетски системи. Како развојен инженер во областа на греење, вентилација и ладење на згради и проект менаџер за соларна централа, сега е вработена во Петрол.
Нејзината порака до младите девојки е: “Бидете храбри и кренете ја главата. Секој е способен. Секој може да го направи тоа. Секој има крилја, само треба да лета!” Наградата ја врачи минатогодишната добитничка на титулата, Росана Колар, дипломиран машински инженер и авионски механичар во Адриа техника. Според неа, жените во инженерските професии играат важна улога, бидејќи со нивниот различен начин на размислување значително придонесуваат за решавање на различни задачи. Министерот за високо образование, наука и иновации Игор Папиќ истакна дека особено младите девојки треба да се поттикнуваат за инженерски професии. Сè уште имаме помал процент на девојчиња запишани на наука и инженерство и поголем процент на општествени и хуманистички науки“, рече тој.
Извор – rtvslo.si
Фото – ФБ профил на Љупка Вртева
