Германската државна енергетска компанија Сефе и норвешката групација Еквинор се договорија за долгорочно снабдување со гас. Договорот е еден од најголемите кои Equinor ги има склучено досега, изјави извршниот директор Андерс Опедал, пренесува ДПА.
Договорот предвидува Equinor да испорачува вкупно 111 терават-часови енергија од 2024 до 2034 година, што одговара на количината од околу 10 милијарди кубни метри природен гас.
Испораките ќе се плаќаат по пазарни цени. Годишните количини, според огласот, покриваат третина од потребите на германската индустрија. Постои и опција за продолжување за уште пет години и нови 319 терават-часови.
Двете компании, исто така, потпишаа меморандум за разбирање за Сефе да купува водород со низок јаглерод на долг рок помеѓу 2029 и 2060 година.
Целта е првично да се снабдуваат пет терават-часови годишно, кои треба да пораснат со текот на времето и да достигнат 40 терават-часови годишно помеѓу 2050 и 2060 година.
Сефе, сега во сопственост на германската влада, е поранешна подружница на руската енергетска компанија Газпром. Сефе всушност е кратенка за „Обезбедување енергија за Европа“. Equinor е еден од најголемите производители на нафта и гас во Европа. Две третини сопственик е норвешката држава.
Извор – Б92
Фото – Wikimedia
