Јужнокорејскиот производител на чипови SK Hynix објави дека ќе инвестира 3,87 милијарди долари во фабрика за мемориски чипови за вештачка интелигенција во САД. Компанијата најави изградба на погон за проиводство на иновативни амбалажи и за истражување и развој на производи со вештачка интелигенција во Вест Лафајет во сојузната држава Индијана.
Се очекува дека проектот ќе поттикне иновации во американскиот синџир за снабдување со вештачка интелигенција и ќе овозможи отворање на над илјада нови работни места во регионот.
Од SK Hynix велат дека во новиот погон планира масовно производство на нови генерации чипови за меморија со висока пропусност (High-Bandwidth Memory – HBM), кои се клучни за графичките процесорски единици кои обучуваат системи со вештачка интелигенција како што е ChatGPT.
Почетокот на производството е планиран завтората половина од 2028 година, а в новата фабрика ќе се развиваат и нови генерации чипови и ќе се воспостават линии за истражување и развој на иновативни амбалалажи.
Јужнокорејската компанија планира да соработува со Универзитетот Пердју и до Ivy Tech Community колеџот на развој на програми за тренирање и интердисциплинарни наставни планови и програми, кои ќе образуваат работна сила за работи кои бараат познавање на софистицирани технологии.
SK Hynix, исто така, ќеја поддржи и работата на Фондацијата Пердју и други локални непрофитни и добротворни организации со склучување партнерства кои овозможуваат развој на заедницата, прилики за раст и обуки за лидерство.
Паралелно планираат да инвестираат и во матичната земја, Јужна Кореја. Имено, тие подготвуваат локации за производни погони во Јонгин кластерот,каде што ќе инвестираат 89 милијарди долари.
Почетокот на изградбата на првата фабрика е планиран за март 2025 година, а е планирано да заврши на почетокот на 2027 година.
(Zimo)
(фото: Pixnio)
