Универзитетот ETH од Цирих се дружи со прехранбената индустрија за да произведат чоколада од цел плод на какао, која е поодржлива и повкусна. Тие научници сигурно ја имаат најубавата работа во светот – да создадат нов вид на совршена чоколада.
Главните компоненти на чоколадата се какао маса и какао путер, кои се добиваат од плодот на какаото. Она што е малку познато е дека плодот на какаото содржи дополнителни вредни состојки кои досега не беа доволно искористени.
Затоа, истражувачите од ETH заедно со индустријата за чоколади работат заедно за максимално искористување на плодот на какаото, што ќе ја зголеми профитабилноста, а чоколадата ќе ја направи поздраво слатко уживање.
Како дел од проектот Innosuisse, истражувачкиот тим под водство на професорот Ерих Виндхаб работеа заедно со стартапот Koa, кој е посветен на одржливо одгледување какао, и со швајцарскиот производител на чоколада Felchlin за да го создадат рецептот за новата чоколада.
Додека конвенционалната чоколада ги користи само зрната во плодот на какаото, истражувачите сега го употребиле и месестиот дел и делови од лушпата за својот рецепт. Тие ги преработиле во прав и ги помешале со делови од пуплата за да добијат гел од какао. Таа супстанција слична на желатин е многу слатка и може да го замени шеќерот во прав кој се додава во чоколадите.
Истражувачите се обидуваат да докажат дека чоколадата може да содржи и до 20% гел, што е еднакво на чоколада со 5%-10% шеќер во прав. Со користење на таков какао гел како засладувач чоколадата може да се пофали со поголема содржина на влакна од просечната темна чоколада, а содржи и само 23 грама заситени масти, за разлика од вообичаените 33 грама.
Тоа значи дека истражувачите од ETH успеаја да ја зголемат содржината на влакна за 20%, а да ја намалат количината заситени масти за 30%. Меѓутоа, новата чоколада нема наскоро да се најде во продавнциите. Иако докажаа дека нивната нова чоколада е атрактивна и има споредливо сетилно искуство со нормалната чоколада, ќе мора да се прилагоди целиот синџир на производство пред да се најде во продажба.
Студијата за новата совршена чоколада е објавена во списанието Nature Food.
(Vidi.hr)
(фото: Wikimedia)
