Временскиот феномен Ел Нињо, кој може да предизвика екстремни услови како што се шумски пожари и тропски циклони, се очекува да се претвори во генерално посвежи услови на Ла Ниња подоцна годинава, соопшти Светската метеоролошка организација.
Ел Нињо е природен временски феномен поврзан со нарушување на правците на движење на ветрот, што значи потопли температури на површината на океаните во источниот и централниот дел на Тихиот Океан, додека Ла Ниња носи пониски температури во Тихиот Океан околу екваторот и е поврзана со поплави и суши.
Светската метеоролошка организација објави дека има 60% шанси условите во Ла Ниња да се појават помеѓу јули и септември и 70% веројатност меѓу август и ноември.
Крајот на Ел Нињо не значи пауза во долгорочните климатски промени, кои нашата планета ќе продолжи да ги доживува поради стакленичките гасови, изјавија од Светската метеоролошка организација.
Екстремно високите температури на површината на морето ќе продолжат да играат важна улога во наредните месеци.
Изминатите девет години беа најтоплите досега, и покрај ладилното влијание на Ла Ниња, кое траеше од 2020 до почетокот на 2023 година, соопштија од организацијата.
(Zimo)
(фото: Picryl)
