Амбициозните планови на Илон Маск да изгради по еден Starship дневно бараат зголемен производствен капацитет. Затоа, SpaceX инвестираше 100 милиони долари во надградба на StarBase во Бока Чика наречена Starfactory, каде што планира да започне масовно производство на вселенски бродови Starship.
Starfactory ќе функционира како фабриките Gigafactory, каде што се произведуваат компоненти за електрични возила и батерии на Tesla. Starfactory ќе има капацитет да ги изгради сите ракети на SpaceX, но нејзината главна активност ќе биде изградбата на вселенското летало Starship V2, кое еден ден ќе транспортира астронаути на Месечината и Марс.
Според постоечките планови, идејата е да се произведува по еден Starship секој ден во фабриката, со цел да се овозможи секојдневно лансирање на мисии во вселената. Новиот Starship што ќе се гради во Starfactory е Starship Version 2, кој е дизајниран да биде полесен за масовно производство и ќе има повеќе погонско гориво, подобрена стабилност и помала тежина, како и некои аеродинамични промени.
Џеси Андерсон, инженерски менаџер на Falcon Structures Manufacturing во SpaceX, објави дека веќе има изградени вселенски летала и супер тешки бустери (мотори), а сè повеќе излегуваат од производната линија за да бидат подготвени за следниот лет.
Во фабриката Starfactory моментално вредно се работи и ништо не стои на патот на изградбата на првата фабрика во светот за масовно производство на вселенски ракети. Маск ја избра локацијата во Бока Чика поради близината на морето и малата популација, која во моментот на пристигнувањето на SpaceX во 2018 година се состоеше од само 20 луѓе.
Маск потоа изјави: „Имаме многу земја без никого, па ако експлодира, тоа е одлично“.
Starbase моментално има над 1.800 вработени со полно работно време, што го прави најголемиот работодавец во регионот.
(Vidi.hr)
(фото: SpaceX)
