Да се биде на плажа за најголем дел од нас значи главно сончање и пливање, но за оние кои сакаат да веслаат, нуркаат или да прават добри фотографии за Instagram, разочарувачки е кога водата е малку матна. Секој кој оди во Хрватска сигурно нема да го има тој проблем, бидејќи еден нов извештај откри дека оваа балканска земја ја има најчистата крајбрежна вода за капење во Европа.
Извештајот објавен од Европската комисија и Европската агенција за животна средина, која ја истражуваше водата на сите 27 земји на ЕУ, плус Албанија и Австрија, покажа дека 99,1% од хрватските брегови имаат одличен квалитет на вода – тоа се 886 од 894 тестирани места.
Но, што всушност е одлична вода? Според Директивата за води за капење, водите се проценуваат со помош на микробиолошки податоци за да се класифицираат како лоши, доволни, добри или одлични.
Вицешампиони беа Грција, Кипар и Австрија. Извештајот, исто така, откри дека крајбрежните води на Европа обично се почисти од водите во внатрешноста.
(Bizlife)
(фото: PickPik)
