Кинескиот производител на батерии Contemporary Amperex Technology Co Ltd (CATL) објави нови информации за својот проект за електричен авион. Иновациите на CATL би можеле да ја унапредат електричната воздухопловна индустрија и да обезбедат импресивен опсег за цивилен авион тежок осум тони.
Говорејќи на годишниот состанок на Светскиот економски форум на настанот Нови шампиони, претседателот на CATL, Робин Зенг, рече дека новите батерии на компанијата ќе обезбедат опсег од 2.000 до 3.000 километри до 2027 или 2028 година.
Годишниот настан познат како Летен форум во Давос започна во вторникот на 25 јуни во Далиан, кинеската провинција Лиаонинг.
CATL успешно го тестираше својот цивилен авион тежок четири тони и сега се надева дека ќе има авион од осум тони што ќе лета до 2027 година. Според извештајот објавен од China Daily, ова е прв пат CATL јавно да зборува за досегот на авионот.
Компанијата ја користи својата Condensed Battery, која беше претставена во април 2023 година, a е специјално произведена за електрична авијација и има густина на енергија до 500 Wh/kg во една ќелија. Тоа е двојно поголема густина на енергија од просечната батерија на електричен автомобил.
(Klix.ba)
(фото: ANU Sustainability)
