Утре стартува нова германска инвестиција за производство на литиумски батерии, во вредност од 65 милиони евра

Нова германска инвестиција за производство на литиумски батерии, во вредност од 65 милиони евра и 700 нови вработувања 

Како што најави претседателот на Владата на Република Северна Македонија Христијан Мицкоски инвестицијата е отприлика 60 до 65 милиони евра, околу 700 нови вработувања и дека ќе се произведуваат литиумски батерии. Станува збор за германската компанија BMZ Group која утре во ТИРЗ Скопје ќе го одбележи почетокот на градбата на новата инвестиција.

„Со завршувањето на оваа инвестиција ќе биде зголемен извозот, а со зголемување на извозот, ќе биде намалена разликата односно дефицитот помеѓу извозот и увозот и на тој начин ќе се зголемува бруто домашниот производ“.