Светски познатиот гастрономски водич Taste Atlas ја објави својата годишна листа со најдобри кујни во светот. Сите кујни се рангирани врз основа на гласовите на публиката, а се оценуваат врз основа на состојките, специјалитетите и пијалоците кои се незаменлив дел од гастрономијата. Покрај тоа, водичот ги истакнува градовите во кои се служи најдобрата храна, а минатата година се зборуваше за пица
Добар број светски патници одат на патувања за да ги истражат локалните обичаи, култура и храна. Ако вашето патување е инспирирано од појадок, ручек или вечера, со многу постојки за закуски меѓу нив, Taste Atlas има листа со градови што мора да се видат.
Годинава Taste Atlas, покрај најдобрите кујни и храна, објави листа која содржи 100 градови со најдобра храна во светот. На листата, очекувано, дури шест италијански градови се најдоа меѓу првите десет, италијанскиот регион Кампанија е прогласен за регион со најдобра храна, а град со најдобра храна во светот е Неапол.
Неапол доби речиси највисока можна оценка, дури 4,93 од можни 5. Од специјалитетите, Неапол е познат по својата автентична пица „наполитани“, „маргарита“ кои можете да ги пробате во познатите пицерии како Antica Pizzeria da Michele или Sorbillo.
Уличната храна, како што се пржените топчиња тестенини, „фритатине ди паста” и свежата “моцарела ди буфало” се деликатеси кои не се пропуштаат. За оние кои имаат сладок заб, тука е „сфоглиатела“, крцкава торта исполнета со крем од рикота и лимон и „баба ал рум“, десерт натопен со рум. Покрај тоа, постои и традиционална супа од школки, „зупа ди козе“, која ја отсликува поморската традиција на Неапол.
Целата листа можете да ја најдете на официјалната веб-страница, а првите десет градови за храна се:
1.Неапол
2.Милано
3.Болоња
4.Фиренца
5.Мумбаи
6.Рим
7.Париз
8.Виена
9.Торино
- 10.Осака
(Bizlife)
(фото: Pxhere)
