Дубаи годинава ќе добие нова плажа исклучиво за жени. Неодамна беше објавено дека овој проект ќе биде дел од втората фаза од реконструкцијата на плажата Ал Мамзар, вредна 400 милиони дирхами. Плажата ќе вклучува оградена површина, каде што жените ќе можат да уживаат во ноќното капење.
Плажата Ал Мамзар, која се простира на 125.000 квадратни метри, е една од најпопуларните семејни дестинации во Дубаи. Засега нуди денови резервирани за жени, во понеделник и среда, кога е присутен исклучиво женски персонал за да се обезбеди максимална приватност за посетителите. Плажата нуди пространи зелени површини за излети и скари, како и климатизирани викендички кои можат да се изнајмат во потоплите месеци.
По завршувањето на реконструкцијата, жените ќе можат да ја користат оваа плажа сите денови во неделата, со дополнителни содржини како спортски клуб и игралишта за деца, пишува The National.
Лоциран на брегот на плажата Ал Батин, со поглед на островот Худајријат, истоимениот клуб за жени нуди различни активности фокусирани на велнес, како што се пилатес и јога, како и бројни бутици, терен за падел и социјални простори. Површината од 34.000 квадратни метри вклучува и огромен базен во сенка, приватна плажа, спа центар и ресторан. Клубот има и детско игралиште со лулашки, лизгалки и опрема за качување, како и внатрешен простор за играње, идеален за летните месеци.
(Bizlife)
(фото: Good Fon)
