Стеф Кари, најдобриот шутер во историјата на кошарката, овој статус го постигна преку многу часови напорни тренинзи. Во тоа, секако, му помогнаа тренерите и соиграчите, кои со него поминуваа безброј часови во теретана, собирајќи и додавајќи му топки за време на тренинзите за шутирање. Но, за да продолжи да биде на највисоко можно ниво повеќе не му е потребна помош од соиграчите и тренерите.
Имено, неговиот партнер на кошаркарскиот терен во последно време стана робот наречен A.B.E (Automated Basketball Engine), кој му помага при вежбањето со шутирање. Неговата задача е едноставна – ги фаќа топките по ударите на Кари и му ги додава за да може да продолжи да шутира. Нема сомнеж дека технологијата зад ваквите роботи е напредна и прилично комплицирана, но како што можеме да видиме во приложеното видео, A.B.E. добро си ја врши работата.
Кари го опиша искуството како чудно на почетокот, но бидејќи на роботите не им требаат паузи за одмор и освежување, се покажа дека таквиот робот, всушност, го натерал да работи уште повеќе.
A.B.E беше претставен од комесарот на НБА, Адам Силвер, за време на НБА Ол-стар технолошкиот самит во 2025 година, заедно со уште два роботи, кои се пошегуваа дека се новите НБА ѕвезди. Услугите на овие роботи на крајот би требало да ги користат сите НБА тимови, а веќе ги користат и Голден Стејт Вориорс.
Покрај асистентите за снимање, GSW користи и роботи наречени M.I.M.I.C. (Motion & Intercept Modular-Interface Coordination), кои помагаат при тренинзите при поставување на одбраната и нападот, а како што можеме да видиме на видеото, тренерот Стив Кер ги тренира исто како играчите, викајќи и пцуејќи кога ќе згрешат. Иако е тешко да се замисли дека ги чуваат играчите во НБА, НБА вели дека тие можат да ги следат микро-движењата на играчите, да симулираат притисок во играта и подобро од човечки тренери да споделуваат податоци и информации за тренинг во реално време.
Третиот робот се вика K.I.T. (Kinematic Interface Tool), чија задача е да одржува добро расположение во соблекувалната – ги забавува играчите покажувајќи им филмови, но се обидува да ги мотивира за време на тренинзите со говори.
Лигата соработувала со играчите во развојот на овие роботи за да ги задоволат нивните барања, односно да се осигураат дека тие ќе се покажат колку што е можно покорисни за време на тренинзите.
(Tech Spot)
(фото: YouTube)
