Францускиот антимонополски регулатор денеска објави дека го казниле Apple со 150 милиони евра поради нарушување на конкуренцијата и злоупотреба на својата доминантна позиција во рекламирањето на мобилни апликации на своите уреди преку алатки за контрола на приватноста.
Алатката ATT им овозможува на корисниците на iPhone и iPad да одлучат кои апликации можат да ја следат нивната активност, а компаниите за дигитално рекламирање и мобилни игри се пожалија дека ги зголемила цените на рекламирањето и им го отежнало рекламирањето на брендовите на платформите на Apple.
Методите на имплементација на овој систем, претставени како дополнителна заштита на приватните податоци на корисниците, „самите по себе не се предмет на критика, но начините на негова имплементација не се ниту неопходни ниту пропорционални“, смета францускиот регулатор.
Помалите издавачи на апликации се „особено казнети“ бидејќи овие оператори во голема мера се потпираат на собирање податоци од трета страна за да ги финансираат нивните операции, се додава во соопштението.
Apple соопшти дека е „разочаран“ од одлуката, но во исто време изјави дека француската управа за конкуренција не побарала никакви конкретни промени во транспарентноста на следењето на апликациите, пишува Le Figaro.
