Трамп воведе царини од 33% за увозот од Македонија!

Американскиот претседател Доналд Трамп воведе нови царини за увозот од 180 земји, вклучувајќи ја и Македонија. Стапките на царини што ги воведува Трамп се движат од 10 до 50 отсто, а за нашата држава, според она што го објави се 33 отсто.

Од регионот, според табелите што се објавуваат, повисоки царини се наметнаа кон Босна и Херцеговина од 35% и Србија од 37 %. Царините што се воведуваат за Косово, Албанија и за Црна Гора се 10 отсто.

Највисоки царини на светско ниво се воведуваат за Камбоџа и тие ќе изнесуваат 49 отсто.

Држејќи голема табела со наслов „реципрочни тарифи“, на која се прикажани царините што другите земји ги наметнуваат на САД во споредба со американските царини за нив, Трамп рече дека никој не треба да биде лут на тоа.