Мета одлучи да го забрани политичкото рекламирање на своите социјални мрежи на територијата на Европската Унија. Целта на оваа мерка е да се заобиколат регулативите на ЕУ кои бараат построги регулативи од платформите. Промените ќе стапат на сила во октомври.
За да се намали влијанието на социјалните мрежи врз изборите и да се спречи ширењето на политички лажни вести, ЕУ ги промени релевантните закони. Врз основа на тие промени, од октомври, платформите ќе бидат обврзани да наведат кој платил за политички реклами, како и дали корисниците биле таргетирани врз основа на лични податоци.
Мета изјави дека поради заострувањето на регулативите, целосно ќе го забрани политичкото рекламирање на своите платформи, како што се Фејсбук и Инстаграм. Тие сметаат дека барањата на Европската Унија се премногу комплицирани – пишува 24.hu.
Оваа одлука не влијае на политичката содржина – сè уште ќе биде можно да се објавува содржина на таа тема, но нема да биде можно да се промовира преку платени реклами. Забраната значи дека политичарите, кандидатите и партиите повеќе нема да можат платено да ги промовираат своите содржини преку овие дигитални платформи. Тие ќе имаат пристап до јавноста единствено преку органски, неплатени објави и дебати. Ограничувањето се однесува само на земјите членки на Европската унија.
Брисел се реши на ваков чекор откако последните години се зголеми бројот на дезинформации, особено на интернет, со цел да се заштити интегритетот на изборите и политичките процеси.
Фото – ab
