Воведување на нови авионски линии и враќање на линијата за Келн е предвидено со новите владини субвенции за унгарската компанија „Визер“ која во минатиот период скрати неколку авио линии од главниот град до повеќе европски дестинации.
Минатата година, компанијата сосема се повлече од германскиот аеродром во Келн, што резултираше со кратење на оваа линија од Скопје. Истовремено, прекината беше линијата од Скопје до Стокхолм која сега повторно се враќа назад со овие субвенции.
Оваа година преку субвенционирани летови беа отворени линиите за Барселона и Лион, кои беа долго очекувани од македонските патници. Со субвенции од Владата, ќе се лета и од Охрид до Истанбул, преку компанијата ,,Туркиш Ерлајнс”.
И компанијата ,,Изиџет” доби летови на вториот повик за субвенции до Владата за авионски линии до Женева до која ќе се лета од 3 ноември и Париз како дестинација каде ќе се лета од 2 април.
Фото – Pixabay
