Батерија способна да напојува повеќе од еден милион домови во Нов Јужен Велс е официјално поврзана со електричната мрежа и вклучена да работи.
Супер батеријата Waratah, на местото на поранешната електрана на јаглен Munmorah на Централниот брег, моментално работи со капацитет од 50% или 370 мегавати.
Главниот извршен директор на Akaysha Energy, компанијата која ја направи батеријата, Ник Картер, чија компанија го управува системот за складирање на батерии, рече дека таа ќе дејствува како амортизер за електричната мрежа.
„Главната функција на батеријата е навистина да ја заштити мрежата во случај на прекин или паѓање на далновод или исклучување на електраната“, рече г-дин Картер.
Батеријата ќе овозможи повеќе евтина енергија од целиот Нов Јужен Велс да влезе во мрежата. Тоа ќе изврши притисок врз цените на електричната енергија.
Г-дин Картер рече дека батеријата веќе успешно ја поддржувала мрежата во текот на летото.
„Бевме во средината на тестирањето кога имавме топол ден и Нов Јужен Велс остануваше без снабдување со енергија. Батеријата беше таму за инјектирање енергија во тој момент и беше многу корисна за одржување на стабилноста на системот.“ рече тој.
Батеријата е со големина на осум австралиски фудбалски игралишта. Потребни се околу 30 минути за да се прошета околу целиот периметар со брзо темпо и е составена од повеќе од 3.500 контејнери со батерии внатре.
Откако ќе биде целосно оперативна, со 850 мегавати, би можела да полни 46 милиони паметни телефони за само еден час.
(ABC Australia)
(фото: Akaysha Energy)
