Откако OpenAI го претстави својот голем јазичен модел и четботот ChatGPT, Microsoft соработува тесно со нив. Толку тесно што инвестираше дури 13 милијарди долари за да може да го користи ChatGPT во своите производи.
Ова му даде на Microsoft статус на партнер и пристап до напредната технологија што ја развива OpenAI. Сепак, OpenAI ги нуди своите производи и на други компании и обични корисници, па Microsoft се сврте кон своите силни страни и разви својот сопствен модел на вештачка интелигенција.
Така, минатата недела,ж тие го лансираа својот внатрешен модел на вештачка интелигенција наречен MAI-Voice-1. Иако станува збор за тест модел на генерирање говор, кој е наменет за внатрешно тестирање, пошироката јавност ќе може да ја испроба неговата „послаба“ верзија, MAI-1-preview, како дел од LMArena.
Според информациите од Microsoft, MAI-Voice-1 може да генерира минута звук за помалку од секунда, а веќе ги напојува функциите на Microsoft како што се Copilot Daily и Podcast, кои обезбедуваат резимеа на вести во форма на аудио клип генериран од вештачка интелигенција и персонализиран во стилот на подкаст.
Тие објавија дека ќе започнат со воведување на MAI-1-preview на нивниот четбот Copilot за да добијат повратни информации од редовните корисници.
Доколку можат да го развијат својот модел на вештачка интелигенција на ниво каде што може да се натпреварува со OpenAI и други компании за вештачка интелигенција, Microsoft би можел да се врати во трката со вештачка интелигенција. И се чини дека тоа ќе биде неопходно ако сакаат да преживеат на сè поконкурентниот пазар.
(Zimo)
