Турската компанија Togg во понеделник го претстави новиот седан T10F на саемот во Минхен и најави голем пробив на европскиот пазар, почнувајќи од Германија.
Togg го најави лансирањето на својот електричен SUV T10X на европскиот пазар, а исто така го претстави и моделот T10F, електричен седан со пет врати. Нарачките за двете возила во Германија ќе започнат кон крајот на септември.
Цените сè уште не се објавени за ниту еден модел. „Време е да се оди на следниот пазар во Европа бидејќи фактот е дека локалниот турски пазар не е доволно голем“, изјави извршниот директор Мехмет Гурџан Каракас за Ројтерс во Минхен, каде што оваа недела се одржува автосалонот IAA, најголемиот во Европа.
По Германија, Каракас рече дека компанијата ќе се сврти кон Франција и Италија, додавајќи дека кога станува збор за кинески производители на електрични возила во Европа, таа е „подготвена за оваа конкуренција“.
„Тог“ минатата година продаде околу 30.000 од своите електрични теренци „Т10Х“ во Турција, во првата целосна година на испораки, а продажбата оваа година до август е зголемена за 42 проценти на околу 21.000 единици.
Експертите од автомобилската индустрија проценуваат дека „Тог“ треба да продава околу 200.000 автомобили годишно за да стане профитабилен, што ја нагласува потребата производителот на електрични возила да се прошири надвор од својот домашен пазар.
(Klix.ba)
