Финска ќе воведе царини за сите производи од Русија

Финска планира да воведе царини за сите производи увезени од Русија, изјави финската министерка за надворешни работи, Елина Валтонен, по средбата со полскиот министер за надворешни работи, Радослав Сикорски, во Варшава.

Во својата објава на социјалната мрежа X, Валтонен нагласи дека Европа мора јасно да ги види предизвиците што претстојат.

• “Агресивната војна на Русија против Украина не е само грубо кршење на меѓународното право, туку и напад врз принципите утврдени со Хелсиншкиот договор ” напиша министерката.

Таа нагласи дека ова е директен напад врз суверенитетот и територијалниот интегритет на Украина, како и отфрлање на нормите што со децении обезбедуваат мир во Европа.

Валтонен нагласи дека присилните депортации, нападите врз цивили и воените злосторства не се само кршење на меѓународното право, туку и напад врз самото човештво.

(Deutsche Welle)