Кина ќе го испрати најмладиот астронаут во својата историја на вселенската станица како дел од својот следен лет со екипаж, заедно со четири лабораториски глувци. Вселенската станица Tianghong, управувана од тимови од три астронаути кои ротираат на секои шест месеци, е круната на вселенската програма на Кина вредна милијарда долари, додека се обидува да ги стигне САД и Русија.
Мисијата Shengzhou-21 е закажана да полета во петок во 23:44 часот по локално време од Центарот за лансирање сателити Џиукван во северозападна Кина. Инженерот за летање Ву Феи, кој штотуку наполни 32 години, ќе стане најмладиот астронаут на Кина на вселенска мисија, соопштија властите.
Патувањето вклучува и четири лабораториски глувци – два мажјаци и две женки – кои ќе се користат за првите кинески експерименти со глодари во орбитата, изјави портпаролот на CMSA, Жанг. Вселенската програма на Пекинг, трета по ред што испрати човечки екипаж во орбитата, претходно слета роботски ровери на Марс и на Месечината.
Кина ги засили плановите за остварување на својот „вселенски сон“ под водство на претседателот Си Џинпинг. Пекинг вели дека сака да испрати мисија со екипаж на Месечината до 2030 година и планира да изгради база на површината на Месечината.
CMSA изјави дека цврсто се придржува кон таа цел. Во тек е серија клучни претстојни тестови, вклучувајќи тестови на лунарниот модул Lanyue и вселенското летало со екипаж Mengzhou.
(021)
(фото: Flickr)
