Турскиот министер за транспорт и инфраструктура Абдулкадир Уралоглу објави дека во Турција започна изградбата на првата фабрика за брзи возови. Во рамките на оваа фабрика ќе има и полигон за тестирање на брзи возови.
Фабриката се гради во северозападната покраина Сакарја, а ќе вработува 250 луѓе и ќе придонесува 84 милиони долари годишно во националната економија. Станува збор за објектот на Индустријата за возила на Турскиот железнички систем (ТУРСАШ), кој ќе биде на 15 илјади квадратни метри.
Уралоглу посочи дека ќе се произведуваат возови кои ќе можат да развијат брзина до 225 километри на час. Годишно ќе се произведуваат и тестираат 12 комплети брзи возови. Ресорниот министер истакна дека ова ќе ја намали зависноста на Турција од извозот во развојот на железницата.
Тој верува дека на овој начин ќе се зајакнат истражувањата, развојот и вработувањето во земјата. Тој тврди дека споменатата фабрика ќе биде изградена целосно со национални ресурси, пишува Дејли Сабах.
(Klix.ba)
Фото – Flickr
