Нова насока во третманот на рак на мозок започнува со необичен влезен пат – преку носната празнина. Авторите на новата студија известуваат дека капките за нос патуваат по олфакторните нерви до централниот нервен систем, достигнувајќи ги туморите на глиобластом, кои досега ги избегнале конвенционалните терапии.
Првичните тестови на глувци покажале дека препаратот во капки за нос стигнал до целните клетки и ги заштитил животните од инаку смртоносната болест. Тоа е пристап што нуди надеж за побезбедни, поефикасни третмани за глиобластом и потенцијално други видови на рак кои се отпорни на имунолошки третман и претставува клучен чекор кон клиничка примена.
Ова го редефинира начинот на кој имунотерапијата на ракот може да се примени на тешко достапни тумори, вели неврохирургот Александар Стег од Универзитетот во Вашингтон во САД и еден од авторите на студијата објавена во списанието PNAS, во статија објавена на веб-страницата на универзитетот.
Глиобластомот е малигнен тумор кој брзо расте, го потиснува имунолошкиот одговор и се појавува длабоко во мозокот. Ги оштетува ткивата, предизвикувајќи оток, притисок и намален проток на крв.
Претходните обиди за активирање на патеката STING (природен одбранбен механизам кој нормално го алармира телото за присуство на вируси) бараа инвазивни инјекции. Невронаучникот Аканкша Махаџан од Универзитетот во Вашингтон, сепак, бараше поинакво решение.
„Навистина сакавме да го намалиме товарот врз пациентите кои веќе беа сериозно болни и мислев дека можеме да користиме сферични нуклеарни структури за да ги доставиме овие лекови неинвазивно“, објаснува Махаџан. Нејзиниот тим ја завитка супстанцијата што го активира STING околу златна наночестичка за поголема стабилност и поефикасен начин за доставување на лекот длабоко во мозокот преку назални капки.
Нивната нова терапија ја вклучи STING сигнализацијата и го забави напредокот на туморот.
„Со ова истражување покажавме дека прецизно дизајнираните наноструктури, наречени сферични нуклеарни структури, можат безбедно и ефикасно да активираат моќни имунолошки патишта во мозокот“, нагласува Стег.
Во комбинација со лекови за зајакнување на имунитетот пристапот обезбеди долготрајнал заштита кај глувците.
(Dnevnik.hr)
(фото: Heute.at)
