Здружението на француски аеродроми објави дека авиокомпаниите откажале илјадници летови поради зголеменото оданочување на авионските билети во таа земја, објавија денес локалните медиуми.
Од март, француските власти го зголемија за трипати „данокот на солидарност на авионските билети“ (TSBA), што подразбира воведување на дополнителни трошоци од 4,77 евра по билет за економски летови во Европа што полетуваат од Франција, додека дополнителниот надомест за билети во бизнис класа на долги линии е до 120 евра, објави телевизијата BFM.
Како што објави Здружението на аеродроми во Франција, поради ова зголемување на данокот, авиокомпаниите откажале илјадници летови во зимскиот и летниот распоред на летови, а како резултат на тоа, ќе бидат регистрирани 1,3 милиони патници помалку.
Франција ги зголеми даноците на авионските билети како дел од буџетот за 2025 година.
Фото – Piqsels
