ПРЕДА Плус Фондација го отвори јавниот повик за учество во стартап програмата Green Tech Pelagonia, иницијатива наменета за иновативни тимови од Пелагонискиот регион кои развиваат технолошки решенија со позитивен еколошки импакт. Програмата има цел да стимулира локални иновации, модернизација на руралните и туристичките понуди и развој на зелени технологии со долгорочна вредност за регионот.
Тематскиот фокус на програмата опфаќа:
• Еко-туризам и одржлив туризам
• Агро-туризам и рурални модели со додадена вредност
• Агритек и паметни земјоделски технологии
• Дигитализација и технологии за производство на храна (FoodTech)
• Зелени технологии со еколошки ефект
• Иновации во управување со природни ресурси (вода, почва, биодиверзитет)
Програмата е дизајнирана за тимови што имаат иновативна идеја, рана верзија на прототип или стартап во рана фаза и сакаат да развијат одржливо и технолошки применливо решение. Учеството е целосно бесплатно.
Кој може да аплицира?
• Тимови од 2–5 членови
• Идеи и стартапи од Пелагонискиот регион или решенија насочени кон потребите на регионот
• Тимови подготвени за работа во интензивна менторска програма од јануари до март 2026
• Посебно се охрабруваат апликации од млади и жени
Што обезбедува програмата?
Ќе бидат избрани 10 тимови кои ќе поминат низ интензивна менторска и тренинг програма, базирана на Google Sprint (Design Sprint) методологија. Тимовите ќе работат со експерти и ментори, ќе тестираат вредност на својата идеја, ќе развиваат MVP, и ќе го подготват својот pitch deck.
Во март 2026 ќе се одржи DEMO Day, каде учесниците ќе ги презентираат своите решенија пред инвеститори, компании и медиуми. Најуспешните тимови ќе добијат и дополнителна поддршка, вклучително и можност за seed средства.
Рок за пријавување: 26 декември 2025
Линк до пријавата: https://forms.gle/dEnagoNsMhhggiAPA
Програмата се реализира со поддршка на Европската банка за обнова и развој (ЕБРД).
Green Tech Pelagonia ја гради следната генерација зелени иноватори, луѓе што го гледаат регионот не само како место, туку како потенцијал
