Lego коцките доаѓаат во неверојатно широк спектар на големини и форми, а сега компанијата со исто име претстави сосема нова верзија на Саемот за потрошувачка електроника CES во Лас Вегас.
Lego Smart Brick е стандардна коцка со холемина 2×4 и е опремена со најсовремена технологија. Оваа технологија им овозможува на сетовите да реагираат на начинот на кој се игра или се градат. Таа е дел од новата иницијатива наречена Smart Play, која ја вклучува Smart Brick, како и Smart Minifigures и Smart Tags. Иако сè уште не е познато како фановите на Lego ќе го прифатат овој нов систем, сепак може да се каже дека тоа е најголемиот потег што Lego некогаш го направил за да вклучи поврзани технологии во своите производи.
Внатре, Smart Brick има 4,1 mm ASIC чип, за кој Lego вели дека е помал од стандардната Lego коцка. Работи на нешто што се нарекува Play Engine, кој може да детектира движење, ориентација и магнетни полиња. Благодарение на ова и некои интегрирани бакарни намотки, Smart Brick може да ја детектира растојанието, насоката и ориентацијата на другите блиски паметни коцки. Исто така, има вграден мал звучник, акцелерометар и LED низа. Lego тврди дека звучникот може да произведе звук „поврзан со игра во живо“, наместо само да репродуцира претходно снимени клипови.
Smart Tags и Smart Minifigures се многу поедноставни. Smart Tags се плочки со димензии 2×2 и вграден дигитален идентификатор што паметната коцка може да ја прочита преку магнетна комуникација во близина на полето. Ова звучи како NFC, но не можеме да бидеме сигурни дека овие нови парчиња Lego ќе можат да комуницираат со други NFC уреди. Слично на тоа, паметните минифигури имаат и дигитален идентификатор што може да се прочита преку NFC.
Целта на Smart Tags, како и сличната технологија во Smart Minigigures, е да ја информира паметната коцка во кој контекст се користи. Како што вели Lego, улогата на Smart Tags е да ѝ каже на паметната коцка како треба да реагира“. Smart Tags ѝ кажува на коцката каков вид предмет, животно, возило итн. треба да создаде. Smart Tags во сетот Lego Star Wars X-Wing ќе содржи уникатен идентификатор и упатства за тоа како треба да се однесува паметната коцка.
Како тоа да не е доволно, Lego изгради и локален безжичен слој што го поврзува сето тоа, наречен BrickNet. Базиран е на Bluetooth и го користи сопствениот систем на Lego „Мерење на положбата на соседот“, кој им овозможува на паметните коцки да знаат колку се блиску една до друга и како се ориентирани.
Lego вели дека ова им овозможува на коцките да комуницираат директно една со друга без потреба од апликации, интернет конекции или надворешни контроки. Идејата да е дека сите три од овие нови паметни парчиња да можат да комуницираат без потреба од склопување, што треба да ги направи слични на традиционалниот сет на Lego.
Покрај тоа, овие коцки, како што се очекуваше, ќе бараат одредена енергија. Lego тврди дека нивните батерии треба да продолжат да работат дури и по години неактивност, а намотките и системот за напојување се дизајнирани така што повеќе коцки можат да се полнат безжично на заедничка подлога за полнење.
Ова е сосема нова насока за Lego, а фановите нема да мора да чекаат долго. Пред-нарачките се отвораат на 9 јануари, додека продажбата започнува на 1 март.
(Klix.ba)
