Турција угости 64 милиони посетители во 2025 година и генерираше приходи од туризмoт од 65 милијарди американски долари, што е историски рекорд.
Турскиот министер за култура и туризам, Мехмет Нури Ерсој, изјави дека турскиот туризам сега стана сила не само регионално, туку и глобално, според податоците од Светската туристичка организација на Обединетите нации.
Тој потсети дека во 2017 година Турција беше на 8. место меѓу земјите со најголем број туристи во светот, додека до 2024 година се искачи на 4. место.
- Турција, кога станува збор за приходите од туризам, беше на 15. место во 2017 година, но до 2024 година се искачи на 7. место. Туристичкиот сектор на Турција отиде подалеку од само туризмот на море, песок и сонце. Денес, постои зголемена разновидност во области како што се културниот и религиозниот туризам, природниот и еко-туризмот, археологијата, здравствениот и термалниот туризам, гастрономијата, конгресниот и саемскиот туризам, крстарењето и зимскиот туризам, рече министерот Ерсој.
Тој изјави дека визијата „Наследство за иднината“ и проектите “Ноќни музеи” се меѓу ретките достигнувања во светот што само мал број земји можат да ги постигнат и дека Турција стана еден од најуспешните примери во оваа област.
Нагласувајќи дека „моделот на мини-серија“ што се користи во промотивната стратегија постигна голем успех и на глобално ниво, Ерсој рече дека една епизода од серијата „Истанбулска приказна“ достигна 32 милиони прегледи, додека дури и најмалку гледаната содржина достигнала 10 милиони прегледи.
Туристичките достигнувања во Турција во 2025 година:
- Број на посетители: 63.941.000
- Приходи од туризам: 65,231 милијарди американски долари
- Трошоци по ноќ: 100,0 американски долари
Трите најголеми пазари во Турција:
- Руска Федерација: 6,90 милиони
- Германија: 6,75 милиони
- Обединето Кралство: 4,27 милиони
